ვარჯიშის დასრულებისთანავე, კრიშტიანუ რონალდუმ პრესკოფერენცია გამართა ჟოზე მოურინიოსთან ერთად. გთავაზობთ, პორტუგალიელი ფეხბურთელის წინასამატჩო მოსაზრებას.

"ჩვენ გვჯერა ერთმანეთის და არაფერი გვაშინებს. საკუთარ ქვეყანაში და კედლებში ორმაგად მოტივირებულნი ვართ და მიზანი მხოლოდ ჩემპიონთა ლიგაზე ასპარეზობის გაგრძელებაა. თითოეული ჩვენთაგანი მონდომებულია და ყველას უაღრესად სურს შემდეგ ეტაპზე თამაში".

"რასაკვირველია, წინ ადვილი გასეირნება არ გველის, მაგრამ ყველაფრისთვის ბოლომდე ვიბრძოლებთ და შესაბამის შედეგსაც მივიღებთ. ყოველ წლიურად გვემატება გამოცდილება და იმის სურვილი, რომ მოვიგოთ ყველა ტურნირი. რუსებს საკმაოდ კარგი გუნდები ჰყავთ და ამის ნათელი მაგალითი ჩვენი მეტოქეა".

"ტიტულისთვის არა მხოლოდ "რეალი" და "ბარსელონა", არამედ ყველა ის გუნდი იბრძვის, რომელიც შემდეგ ეტაპზე გასულია ან გავა. ჩვენ კონცეტრირებულნი ვართ მოსკოველებთან მატჩზე და მიზანი მათი განადგურებაა".

"გვაქვს იმის იმედი, რომ წარმატებას მივაღწევთ და დავამარცხებთ ყველა შემხვედრ მოწინააღმდეგეს. მადრიდის "რეალი" ძალიან კარგ ფორმაშია და ამას ყოველ მატჩში ამტკიცებს, მაგრამ "ცეესკასთან" მაინც ფრთხილად უნდა ვითამაშოთ, რადგან მათთან ხუმრობა არ შეიძლება".