ლეგენდარულმა ბრაზილიელმა ფეხბურთელმა რონალდომ, რომელმაც თავისი უდიდესი კვალი დატოვა ფეხბურთში და საერთოდ სპორტში, ისაუბრა ლიონელ მესიზე, რომელსაც უკვე ბევრი ადამიანი თვლის ყველა დროის საუკეთესოდ თუ არა, ერთ–ერთ საუკეთესოდ მაინც. "კიჭამ" კი თქვა, რომ მისი ლეგენდებთან შედარება სირცხვილია და ჯერ ნამდვილად არ შეიძლება ამის გაკეთება. მისი განცხადებით, ლეოს ჯერ კიდევ ბევრი აქვს გასაკეთებელი.
"მესი ნამდვილად დიდი ფეხბურთელია, მაგრამ მისი შედარება არ შეიძლება ისეთ ლეგენდებთან, როგორებიც თუნდა მარადონა და ზიდანი არიან. მას თუ უნდა გახდეს ნამდვილი ლეგენდა, ამისათვის საჭიროა არგენტინის ნაკრებთან ერთად წარმატების მიღწევა."
"ახლა უბრალოდ არ შეიძლება და სირცხვილია მისი ლეგენდებთან შედარება. სანამ მესი თავს ზემოთ არ აღმართავს მსოფლიოს ჩემპიონატის თასს, ის უბრალოდ კარგი ფეხბურთელი იქნება." –განაცხადა "ფენომენმა".
