კატალონიის ბარსელონასა და ბრაზილიის ეროვნული ნაკრების ყოფილმა მოთამაშემ, რომარიომ არგენტინელ ვარსკვლავზე ლიონელ მესიზე ისაუბრა. ფეხბურთის გულშემატკივრები თვლიან, რომ მესიმ თავისი სახელი ისტორიაში უკვე ჩაწერა. მესი მართლაც, რომ სასწაულებს აკეთებს და თავისი საფეხბურთო შედევრებით მსოფლიო პრესის ყურადღებას იპყრობს.
რამდენიმე დღის წინ კატალონიური კლუბის პრეზიდენტმა, სანდრო როსელმა განაცხადა, რომ მესი ფეხბურთის ისტორიაში ერთ-ერთი საუკეთესოა, მაგრამ რომარიო ასე არ ფიქრობს.

"ეჭვიც არ მეპარება იმაში, რომ მესი ბრწყინვალე ფეხბურთელია და ის მართლაც, რომ საოცრებებს აკეთებს მოედანზე, მაგრამ ლაპარაკი იმაზე, რომ მესი ფეხბურთის ისტორიაში ერთ-ერთი საუკეთესოა, ჩემი აზრით ამაზე ლაპარაკი ჯერ ადრეა, რადგან როდესაც მესი მოიგებს მსოფლიო ჩემპიონატს, მხოლოდ მაშინ ჩაწერს ის თავის სახელს ფეხბურთის ისტორიაში," - განაცხადა რომარიომ.