არგენტინელმა ლეგენდამ დიეგო არმანდო მარადონამ, ისაუბრა მადრიდის "რეალის" უპირატესობაზე "ბარსასთან", მათ მთავარ მწვრთნელებზე და ვალდესზე.

მისი აზრით "რეალი" არ გაანიავებს უპირატესობას, რომელიც "ბარსასთან" აქვს და ფიქრობს, რომ წლის ბოლოს სწორედ ისინი გახდებიან ქვეყნის ჩემპიონები.

მან ასევე მოურინიოზეც ისაუბრა:"მე დიდ პატივს ვცემ მოურინიოს. ის უდიდესი სპეციალისტია და კარგი ადამიანი. ჩემი აზრით ის მსოფლიოს ნომერ პირველი მწვრთნელია."

მარადონამ ასევე ისაუბრა პეპ გუარდიოლაზე:"მე მას დიდი ხანია ვიცნობ, ის შესანიშნავი პიროვნებაა. შეიძლება იგი ვერ იმსახურებს სათანადო დაფასებას, რადგან მის გუნდში მსოფლიოს ერთ-ერთი საუკეთესო ფეხბურთელები არიან შეკრებილნი, მაგრამ არ უნდა დაგვავიწყდეს რომ ის ახალგაზრდაა და წინ დიდი მომავალი აქვს."

მან ასევე ისაუბრა ვალდესზე, რომელსაც ცუდი მეკარე უწოდა, თუმცა მის წინ ისეთი ფეხბურთელები თამაშობენ,რომ მისი სისუსტეები ნაკლებად ჩანს.