ბევრი დღეს სასწაულის მოლოდინშია და ფიქრობს, რომ არსენალი 4:0 მოიგებს, თუმცა ამის შანსი მინიმუმია. ამ სტატიაში თქვენ მსგავს საოცრებებს იხილავთ.

8 აპრილი, 2004: დეპორტივო 4:0 მილანი (5:4)

ესპანურმა გრანდმა, დეპორტივო ლა კორუნამ, რომელიც ახლა ესპანეთის მეორე დივიზონშია 2004 წელს შეუძლებელი შეძლო. მათ ლიგის 1/4 ფინალური მატჩი "სან სიროზე" 4:1 წააგეს. როცა ყველა ფიქრობდა, რომ ესპანელები ვერაფერს ვერ გააკეთებდნენ, სწორედ მაშინ მოხდა სასწაული. დეპორტივომ შინ მილანს 4:0 მოუგო და ლიგის 1/2 ფინალში გავიდა. იმ მატჩის მთავარი გმირი ვალტერ პანდიანი იყო. იგი დღეს ესპანიოლის ღირსებას იცავს.

6 აპრილი, 2004: მონაკო 3:1 რეალი (5:5)

მონაკო - რეალი - ეს იყო ჩემპიონთა ლიგის 1/4 ფინალური შეხვედრა, რომლის პირველი მატჩიც "სანტიაგო ბერნაბეუზე" გაიმართა. რეალი იყო გუნდი, რომელშიც თამაშობდნენ ზინედინ ზიდან, ლუიშ ფიგუ, იკერ კასილასი, დევიდ ბექჰემი, რონალდო, რაული და რობერტო კარლოსი. მონაკოსთვის რეალის გამოგდება "შეუსრულებელი მისია" იყო, რომელიც მათ შეასრულეს. პირველი შეხვედრა ბერნაბეუზე 4:2 დასრულდა, თუმცა გუნდი, რომლის კაპიტანიც ლუდოვიკ ჟიული იყო საოცრება მოახდინა. მათ 3:1 მოუგეს რეალს შინ და ჩემპიონთა ლიგის 1/2 ფინალში გავიდნენ. იმ მატჩის მთავარი გმირი ფერნანდო მორიენტესი იყო. ფეხბურთელი, რომელიც რეალის ძირითადი შემადგენლობიდან ამოაგდეს და ფაქტიურად გუნდიდან გააგდეს. ესპანელმა იმავე წელს თავის ყოფილ კლუბს კარგი გაკვეთილი ჩაუტარა.

18 მარტი, 2010: ფულჰემი 4:1 იუვენტუსი (5:4)

უეფა ევრო ლიგის 1/8 ფინალური მატჩი, რომლის პირველი შეხვედრაც იუვენტუსმა შინ 3:1 მოიგო. ტურინელებს ყველა 1/4 ფინალში გასვლას ულოცავდა, თუმცა უცებ სასწაული მოხდა. ინგლისის ერთ-ერთმა დაბალიდონის გუნდმა იტალიურ გრანდს შინ 4:1 მოუგო და ისინი ჩემპიონატს გამოთიშა.

11 დეკემბერი, 1985: რეალი 4:0 დორტმუნდის ბორუსია (5:5)

1985 წელს ჩემპიონთა ლიგის მატჩში გერმანიაში რეალმა დორტმუნდის ბორუსიასთან პირველი შეხვედრა 5:1 წააგო. ვერავინ იფიქრებდა, რომ რეალი შემდეგ ეტაპზე გასვლას შეძლებდა, თუმცა სანტიაგო ბერნაბეუზე სასწაული მოხდა. მადრიდელებმა მატჩი 4:0 მოიგეს და ბორუსია ჩემპიონატს გამოთიშეს. იმ შეხვედრაში 2 გოლის გატანა ხორხე ვალდანომ მოახერხა.

2005 წლის ჩ. ლიგის ფინალი: ლივერპული 3:3 მილანი

ფინალი რომელიც ყოველთვის ემახსოვრებათ. ჩემპიონთა ლიგა 2005 - სტამბული. მილანი - ლივერპული. პირველი ტაიმი მილანელთა გამარჯვებით დასრულდა 3:0. რაოდენ გასაკვირიც არ უნდა იყოს შეხვედრაში პირველი გოლი პაოლო მალდინიმ პირველივე წუთზე გაიტანა, შემდეგ კი დუბლი ერნან კრესპომ შეასრულა. მეორე ნახევარში ლივერპულელთა კაპიტანმა გუნდს გამოცოცხლებისკენ მოუწოდა. ამის შემდეგ 5 წუთში მერსესაიდელებმა 3-ჯერ დალაშქრეს მილანელთა კარი და საქმე დამატებით დრომდე მიიყვანეს, რომელიც ფრედ დასრულდა. თერთმეტმეტრიანების სერიაში კი გმირი დუდეკი აღმოჩნდა, რომელმაც ლივერპულს ლიგის თასი მოაგებინა. უკანასკნელი პენატლი დუდეკმა ანდრეი შევჩენკოს აუღო.