"ჩელსის” ნახევარმცველ ფრენკ ლამპარდს რთული პეიოდი უდგას. შეუძლებელია, "ლურჯების” მწვრთნელ ანდრე ვილაშ-ბოაშთან ხანგრძლივ კონფლიქტსა და გუნდის ძირითადი შემადგენლობიდან ამოვარდნას ფეხბურთელზე უარყოფითი გავლენა არ მოეხდინა. ყველა ამ სიკეთეს ისიც დაერთო, რომ ბიძამისი - პოლ ლემბი - პედოფილი აღმოჩნდა. პოლი ლამპარდის მამიდის, გვენის მეუღლეა. 36 წლის ლემბმა ინტერნეტით 13 წლის ჯესიკა გაიცნო, რომელსაც სექსუალური ურთიერთობა შესთავაზა. თურმე, ლემბი სამართალდამცავი ორგანოების აგენტს ეარშიყებოდა და უწყინარი გოგონას ნაცვლად, მალევე სახლში პოლიციამ მიაკითხა.
პოლი, რომელიც თავის მეუღლეზე 25 წლით უმცროსია, საკუთარ დანაშაულს უარყოფდა და აცხადებდა, რომ მხოლოდ ზრდასრულ ადამიანებს ეკონტაქტებოდა. თუმცა მტკიცებულებების წარდგენის შემდეგ გატყდა და ყველაფერი აღიარა. ლამპარდის ბიძას 1-წლიანი პატიმრობა მიუსაჯეს და ბავშვებთან მუშაობა 10 წლით აუკრძალეს.
ფეხბურთელის პრესმდივნის თქმით, მომხდარმა ფაქტმა მთელი ოჯახი შეძრა. თავად ფრენკ ლამპარდმა (ვისაც ორი ქალიშვილი ჰყავს) განაცხადა, რომ ნათესავისადმი უდიდესს ანტიპატიას გრძნობს.