ესპანური პრესა აჭრელებულია სათაურებით, სადაც კუნ აგუეროს მადრიდის რეალში გადმობარგებას უწინასწარმეტყველებენ. მას შემდეგ, რაც ჟოზე მოურინიო რეალის მწვრთნელია, გუნდი წინა-სასეზონო შეკრებაზე აშშ-ში მიდის. შესაბამისად უკვე დაიგეგმა მომდევნო ტური შტატებში. გავრცელებული ინფორმაციის თანახმად რეალი და სიტი 5 აგვისტოს ბოსტონში ერთმანეთს.

სწორედ აქ ვარაუდობენ კუნ აგუეროსთან და დავიდ სილვასთან კონტრაქტის გაფორმებას ესპანელი ჟურნალისტები. ეს ორი ფეხბურთელი მადრიდის რეალის მთავარი სამიზნე იქნება სატრანსფერო ფანჯრის გახსნიდანვე. რამდენად შეესაბამება ეს ინფორმაცია სიმართლეს ვერ გეტყვით, მაგრამ ფაქტია, რომ ჟურნალისტები ყოველ დღე უფრო აქტიურად უკავშირებენ კუნის სახელს მადრიდის რეალს.

მადრიდის "ატლეტიკოს" თავდამსხმელი რადემელ ფალკაო უკვე "ინტერისა" და "ჩელსის" მიზანი გახდა.
როგორც ბრიტანული მედია იტყობინება არისტოკრატები და მილანელები ფეხბურთელის გადაბირებას ზაფხულში შეეცდება.ახლა კი გუნდების ხელმძღვანელებს შორის ფასზე დაობა მიმდინარეობს.
იმ შემთხვევაში,თუ "ინტერს" სათავეში ვილაშ-ბოაში ჩაუდგება,მაშინ პორტუგალიელის მიზანი რადემელ ფალკაო გახდება.ხოლო "არსიტკორატთა" მილიარდელი პატრონი რომან აბრამოვიჩი,ფალკაოში 30 მილიონის გადახდას აპირებს.
მიმდინარე სეზონში "როხიბლანკოსთან" ერთად ფალკაოს 33 ჩატარებული მატჩი და 23 გოლი აქვს გატანილი,აქედან 17 ლა ლიგაში,ხოლო 6 ევროპა ლიგაზე.

საქმე ისე მიდის, რომ გერმანული "კიოლნის” ფორვარდი ლუკაშ პოდოლსკი კარიერას ლონდონის "არსენალში” განაგრძობს. London Evening-ის ცნობით, 26 წლის გერმანელი ინგლისში შემდეგ კვირაში ჩაფრინდება და "მეთოფეებთან” 4-წლიან კონტრაქტს გააფორმებს.
ხელშეკრულების ძალით, ახალ კლუბში, ბუნდესნაკრების მეგოლე კვირაში 100 ათასი გირვანქა სტერლინგს მიიღებს.
აღსანიშნავია, რომ რამდენიმე კვირის წინათ, ევროპულმა მედიასაშუალებებმა პოდოლსკის "არსენალში” ჩასვლასა და სამედიცინო შემოწმების გავლაზეც დაწერეს. მოგვიანებით, ფეხბურთელის აგენტმა ეს ინფორმაცია უარყო

მახაჩყალის ''ანჟი'' საფეხბურთო სამყაროს გაოცებას განაგრძობს - მათ ამჯერად ''ჩელსის'' ფრანგი თავდამსხმელი ნიკოლა ანელკა და ''არსენალის'' ჰოლანდიელი წინახაზელი რობინ ვან პერსის ყიდვა მოინდომეს.

ამ რუსული კლუბის ხელმძღვანელ სულეიმან კერიმოვისგან უკვე აღარაფერი უნდა გაკვიკვირდეს: ამ ზაფხულს ხომ მილანის ''ინტერიდან'' სამუელ ეტოო გადაიყვანეს 22 მილიონ ევროდ, რაც ადვილი საქმე ნამდვილად არ გახლავთ.

ამ ტრანსფერით კამერუნელი ფორვარდი მსოფლიოს ყველაზე მაღალანაზღაურებად ფეხბურთელად იქცა - მას ''ანჟიში'' ხელფასის სახით 345 000 ევროს უხდიან. გუნდის მოთამაშე მწვრთნელმა რობერტო კარლოსმა თქვა:

''ჩვენ მხოლოდ ანელკათი არა ვართ დაინტერესებულნი. მის გარდა რობინ ვან პერსისა და პსჟ-დან ნენეს გადმოყვანა გვსურს''.

ფრანგულ ტელეარხ Canal4-თან საუბრისას ლეგენდარულმა ბრაზილიელმა ნეიმარის ტრანსფერის შესახებაც თქვა ორიოდ სიტყვა:

''ნეიმარი? მე მას უკვე ვესაუბრე. თუ ''რეალი'', ''ბარსელონ ... კითხვის გაგრძელება »

იტალიურ პრესაში გავრცელებული ინფორმაციის თანახმად, ტურინის იუვენტუსი მიმდინარე წლის ზაფხულში აპირებს შეთავაზება გაუკეთოს ლონდონის ჩელსის, ფერნანდო ტორესის თაობაზე.

იუვენტუსის გულშემატკივრები დიდი ხანია ოცნებობენ კარგ თავდამსხმელზე, რომელიც გუნდის შეტევით პოტენციალს კიდე უფრო გააძლიერებს.
ედინ ჯეკო, სერხიო აგუერო, გონსალო იგუაინი. ეს იმ ფეხბურთელთა ჩამონათვალია, რომელთა შეძენითაც დაინტერესებული იყო ბებერი ქალბატონი, მაგრამ როგორც ჩანს ეს მხოლოდ ჭორის დონეზე იყო.

კლუბის გენერალური დირექტორი, ჯუზეპე მაროტა აპირებს ამა წლის ზფხულში ტორესი იუვენტუსში ერთი წლით, იჯარის წესით გადმოიყვანოს,რადგან იუვენტუსში თავდამსხმელის პრობლემა ნამდვილად დგას.

მეთოფეთა მთავარ მწვრთნელს, არსენ ვენგერს, მადრიდის "რეალის" ახალგაზრდა ნახევარმცველისთვის დაუდგამს თვალი...

საქმე ეხება ხოსე კალეხონს, რომელიც სამეფო კლუბს ამ სეზონში შეუერთდა და დიდი შედეგიანობით გამოიჩინა თავი. მიუხედავად იმისა, რომ იგი არ ითვლება ძირითადი შემადგენლობის წევრად, მაინც ახერხებს გოლების გატანას და გულშემატკივართა გულის მოგებას.

გავრცელებული ინფორმაციით კალეხონის კარგი ასპარეზობა არც "არსენალის" მწვრთნელს გამორჩენია, ფრანგი სპეციალისტი ხოსეს რამდენიმე თვეა აკვირდება და ზაფხულში მისი ტრანსფერის შესახებ აპირებს მოლაპარაკებების დაწყებას.

არ სახელდება თანხა, რომელსაც მეთოფეები ესპანელის სანაცვლოდ გაიღებენ, ყველაფერი ზაფხულში უნდა გახდეს ცნობილი.

დიდიერ დროგბამ გუშინდელი მატჩის შემდეგ უარყო ჭორები, რომელიც ზაფხულში მის გუნდიდან წასვლას ეხებოდა.

34 წლის ფორვარდმა ბრწყინვალედ ჩაატარა ნაპოლისთან საპასუხო შეხვედრა და გოლის გატანაც შეძლო.

"მართლები იყვნენ ადამიანები, რომლებიც ამბობდნენ, რომ ეს ბოლო მატჩი იქნებოდა ჩემთვის ჩემპიონთა ლიგაში, მაგრამ ამბავი გრძელდება," განუცხადა ფრანგულ ტელევიზია Canal+-ს მატჩის შემდეგ. "ვიმედოვნებ, ჩემი თავგადასავალი ჩელსიში კიდევ დიდხანს გაგრძელდება. მაგრამ მე ვერ ვმართავ ჩემს ბედს. უბრალოდ მსურს, რომ კიდევ ბევრი ამგვარი მომენტი გადავიტანო."

დროგბას გუნდიდან წასვლაზე ხმები ჯერ კიდევ იქიდან დადის, როცა ფერნანდო ტორესი გადავიდა არისტოკრატებში 50 მილიონ ფუნტად.

"ძალიან მნიშვნელოვანი მატჩი იყო. სული პოზიტივით სავსე გვქონდა, ამიტომ დასასრულიც კარგი გამოვიდა"

დიდიე დროგბას აგენტმა, ჟან-კლოდ მბედემ მისი კლიენტის მომავალზე ისაუბრა.

"დიდიე თვლის, რომ მისი კარიერა უკვე დასასრულს უახლოვდება. იგი ხვდება, რომ "ჩელსიში" მისი ადგილი აღარ არის და იქ უკვე სხვა ფეხბურთელები იბრძვიან მის პოზიციაზე. მისი ოცნებაა, ითამაშოს გუნდში, რომელშიც იგი კვლავ მოახერხებს თასების მოგებას. "ინტერი"? ეს კარგი კლუბია, თუმცა ჩემს კლიენტს "მილანში" სურს. თუ ამ ტრანსფერის განხორციელება ვერ მოხერხდება, მაშინ დროგბა "მარსელს" მიაშურებს. იგი ზუსტად ამ ფრანგულ კლუბში გახდა დიდი ფეხბურთელი და შეიძლება აქვე დაასრულოს მისი კარიერა."

მადრიდის "რეალის” ნახევარმცველის – ესტებან გრანეროს გადაბირებით ინგლისის პრემიერლიგის კლუბები დაინტერესდნენ. ბრიტანული პრესის ცნობით, 24 წლის ესპანელისადმი ყველაზე დიდი ინტერესს ლონდონის "არსენალი” იჩენს.
აღსანიშნავია, რომ ზაფხულში, გრანეროს სახელს "ლივერპულს”, "მალაგასა” და "სევილიას” უკავშირებდნენ.
შეგახსენებთ, რომ ესპანელი "სამეფო კლუბის” პირველი გუნდის ღირსებას 2009 წლიდან იცავს. მის ანგარიშზე მადრიდელთა მაისურით ჩატარებული 84 მატჩი და 5 გოლია.

ფრანგული პსჟ-ს ხელმძღვანელობა იტალიური "ნაპოლის” ფორვარდის, ედინსონ კავანის შეძენით დაინტერესდა. საფრანგეთის უმაღლესი დივიზიონის ოფიციალური საიტის ცნობით, პარიზელები ნეაპოლელებს წინადადებით უახლოეს მომავალშივე მიმართავენ.
"სიამოვნებით ვიქნებოდი დიეგო ლუგანოს თანაგუნდელი. ჩვენ შესაძლო ტრანსფერზე უკვე ვისაუბრეთ. ჯერჯერობით, ფიქრის პროცესში ვარ”, - განაცხადა 25 წლის ურუგვაელმა.
აღსანიშნავია, რომ თავად თავდამსხმელის აგენტი კლაუდიო ანელუჩი თავისი კლიენტის საფრანგეთში შესაძლო გადაბარგებას არასერიოზულად მიიჩნევს:
"კავანი პსჟ-ში? მოდით, სერიოზულები ვიყოთ. ამ ეტაპზე, ეს ტრანსფერი გამორიცხულია. ფეხბურთელის მსურველი კლუბებისგან ოფიციალური შემოთავაზებები საერთოდ არ მიგვიღია”.
შეგახსენებთ, რომ ურუგვაელისადმი ინტერესს ინგლისური "მანჩესტერ სიტიც" იჩენს.