რუსული კლუბი "ანჟი" არგენტინელი ლიონელ მესის და პორტუგალიელი კრიშტიანო რონალდოს შეძენას ეცდება.

"ანჟის" დირექტორის, რობერტო კარლოსის თქმით, მესი და რონალდო შეთავაზებას მაშინ მიიღებენ, როდესაც თავიანთ კლუბებთან - "ბარსელონასა" და "რეალთან" კონტრაქტები დაუსრულდებათ.

რობერტო კარლოსმა ეს განცხადება 13 მარტს რადიოსადგურ Radio Marca-ს ეთერში გააკეთა. ბრაზილიელმა აღნიშნა, რომ ამ დროისთვის მსოფლიოს საუკეთესო ფეხბურთელად მესის მიიჩნევს, თუმცა ორ ვარსკვლავს შორის არჩევანის გაკეთებისას უპირატესობას ვერცერთს მიანიჭებს.

მესის "ბარსელონასთან" კონტრაქტი 2015/16 წლების სეზონის ბოლომდე აქვს გაფორმებული. კრიშტიანო რონალდომ, რომელიც "რეალში" "მანჩესტერ იუნაიტედიდან" 2009 წელს გადავიდა, კონტრაქტი 2014/15 წლების სეზონის ბოლომდე გააფორმა.

ლივერპულის" თავდამსხმელმა ლუის სუარესმა მისი პსჟ-ში გადასვლის შესახებ ხმებზე კომენტარი გააკეთა.

"დიახ, პსჟ-ში გადასვლა შემიძლია, ისევე როგორც სხვა ნებისმიერ დიდ კლუბში. პარიზში სერიოზული გუნდი იქმნება. ის სულ უფრო და უფრო ძლიერდება და ამ კლუბში ძალების გამოცდა საინტერესო იქნებოდა.

ამას გარდა, პსჟ-ში ჩემი თანამემამულე და ნაკრებში პარტნიორი დიეგო ლუგანო თამაშობს. შესანიშნავი იქნებოდა, ერთი კლუბის ღირსებას რომ ვიცავდეთ".

ლონდონის ”ჩელსი” მოსალაპარაკებლად ემზადება იბრაგიმოვიჩთან. იუწყება footy-bible.co.uk

”ჩელსის” მფლობელი, რომან აბრამოვიჩი მზადაა გადაიხადოს შვედში 35 მილიონი. თუ იბრაჰიმოვიჩი მოვა გუნდში, მაშინ ”ჩელსის” ფერნანდო ტორესის გაყიდვა მოუწევს.

წყარო

ბრაზილიის ეროვნული ნაკრების მთავარი მწვრთნელი მანუ მენეზესი "სანტოსის” ახალგაზრდა ვარსკვლავ ნეიმარს სათამაშოდ ევროპაში წასვლას ურჩევს. მენეზესის აზრით, ნეიმარი ბრაზილიის ჩემპიონატისთვის უკვე გადაზრდილი ვარსკვლავია.
"ნეიმარი უდიდესი ნიჭისა და პოტენციალის ფეხბურთელია, ის "სანტოსში” ნამდვილი ვარსკვლავია, თუმცა მაინც მგონია, რომ უკვე დროა, უფრო ძლიერ გუნდში გადავიდეს. ის ბრაზილიის ჩემპიონატისთვის უკვე გადაზრდილია და მეტად განვითარებისთვის ევროპაში თამაში სჭირდება. ვიმედოვნებ, მომავალ სეზონში ნეიმარი ევროპის ტოპ-კლუბში ჩაირიცხება”, - განაცხადა მენეზესმა.
შეგახსენებთ, რომ 20 წლის ნეიმარი "სანტოსში” 2009 წლიდან გამოდის, ხოლო დღეს კლუბისა და ბრაზილიის ნაკრების ერთ-ერთ ლიდერადაც მიიჩნევა.

იტალიის მოქმედი ჩემპიონი "მილანი” მადრიდის "რეალის” ცენტრალური მცველის – პეპეს შეძენით დაინტერესდა. AS-ის ცნობით, იტალიელები 29 წლის პორტუგალიელის ტრანსფერის საკითხს ზაფხულში სერიოზულად განიხილავენ.
აღსანიშნავია, რომ რამდენიმე დღის წინათ, "სამეფო კლუბის” უკანახაზელის სახელი ფრანგულ პსჟ-საც დაუკავშირეს.
ცნობისათვის, პეპეს "რეალთან” კონტრაქტი 2016 წლამდე აკავშირებს. ხელშეკრულების ძალით, მისმა მსურველმა კლუბმა მადრიდელებს 25 მილიონი ევრო უნდა გადაუხადოს.

ნეიმარმა ჟურნალისტებთან საუბრისას განაცხადა, რომ რონალდინიომ მას ბარსელონა ურჩია:



"რონალდინიო ჩემთვის ყოველთვის მისაბაძი ფეხბურთელი იყო. ყოველთვის მემახსოვრება მისი რჩევა და ის შესანიშნავი მოგონებები, რომელიც მას ბარსელონაში ყოფნისას დაუგროვდა. "



"რა თქმა უნდა ჩემთვის ახალი არ იყო ეს ინფორმაცია, ბარსელონა ხომ სავსეა ვარსკვლავებით."



სანტოსის 20 წლის ვარსკვლავმა El Mundo Deportivo-სთან ინტერვიუში ისიც დაადასტურა, რომ ბრაზილია შესაძლოა 2014 წლამდე დატოვოს და ევროპაში გადმობარგდეს: "რა საკვირველია ამის შანსი არის, გამორიცხული არაფერია."

პსჟ–ს პრეზიდენტის ნასერ ალ–ხელაიფის განცხადებით, მომავალ ზაფხულს მისი გუნდი ერთ სუპერ–ფორვარდს დაიმატებს. კანდიდატებს შორის არიან გონსალო იგუაინი, ლუის სუარესი და ფერნანდო ტორესი.

როგორც ცნობილია, კარლო ანჩელოტიმ მოსვლისთანავე წაუყენა ულტიმატუმი კლუბის ხელმძღვანელობას მაღალი დონის ფორვარდის შეძენის სახით. "პარიზელები" მთელი იანვრის მანძილზე ცდილობდნენ კარლოს ტევესისა და ალეშანდრო პატოს დაყოლიებას, თუმცა ვერაფერს გახდნენ. ახლა კი ფრანგების სატრანსფერო სია უფრო ხმაურიანი და შთამბეჭდავია.



"იგუაინი, სუარესი და ტორესი ჩვენი სატრანსფერო სამიზნეებია მომავალ ზაფხულს. ყველაფერს გავაკეთებთ იმისთვის, რომ შევძლოთ ერთ–ერთი მათგანის გადმობირება. ჩვენ შევცვალეთ სტრატეგია სატრანსფერო ბაზარზე და აწი ხმაურიანი შენაძენების მოლოდინში ვიქნებით."



"არ ვაპირებთ ფულის უაზროდ გადაყრას და მხოლოდ საჭირო ფეხბურთელებს დავიმატებთ. ჩვენ აგრეთვე დიდ დროს ვუთმობთ ბავშვთა აკადემიას, სადაც ძალ ... კითხვის გაგრძელება »

ბარსელონას ვარვსკვლავის ლეონელ მესის აზრით, მისი თანამემამულე სერხიო აგუერო პრიმერაში უნდა დაბრუნდეს და მადრიდის რეალს შეურთდეს.

როგორც ვიცით, ბოლო დროს სიტის შემტევის სახელს სულ უფრო ხშირად უკავშირებენ "ბლანკოსის" სახელს, რასაც თვით მესიც კი ღიად მიესალმება:



"რეალში გადასვლა აგუეროსთვის წინ გადადგმული ნაბიჯი იქნება. ეს ფეხბურთელი ესპანეთში თამაშისთის არის გაჩენილი და ბლანკოსი მისთვის იდელაური ვარიანტი იქნება."



"ჩვენ ახლო მეგობრები ვართ და ძალიან კარგად ვიცი თუ რა იქნება მისთვის კარგი. ის ფაქტი რომ მე ბარსაში ვარ და ის რეალში იქნება არანაირად არ გააფუჭებს ჩვენს მეგობრობას."–განაცხადა ბარსას ლიდერმა.

მილანის "ინტერის” პრეზიდენტის - მასიმო მორატის განცხადებით, მომავალი სატრანსფერო ფანჯრისას, მისი გუნდის მთავარი მიზანი "ნაპოლის” შემტევის - ესეკიელ ლავესის გადაბირება იქნება.
"დიახ, ჩვენი მიზანი ლავესის გადაბირებაა. გუნდში ისეთი მაღალი დონის ფეხბურთელების ყოლა, როგორიც ესეკიელია, უდიდეს სიამოვნებას უნდა ანიჭებდეს ადამიანს. დღევანდელი "ნაპოლი” მარადონას გუნდს მაგონებს, მხოლოდ ერთი განსხვავებით - დღევანდელი გუნდის მთავარი ძალა ლავესია”, - განაცხადა "ნერაძურის” პრეზიდენტმა.
შეგახსენებთ, რომ მიმდინარე სეზონში, იტალიის სერია A-ში, ლავესის 22 მატჩში 8 გოლი აქვს გატანილი.

გერმანული "კიოლნის” თავდამსხმელმა – ლუკაშ პოდოლსკიმ განაცხადა, რომ ლონდონის "არსენალთან” არაფერზე შეთანხმებულა, თუმცა, ინგლისში გადაბარგებას მაინც არ გამორიცხავს.
"პრესაში გავრცელებული ინფორმაციების მიუხედავად, ჯერჯერობით, გადაწყვეტილი არაფერია. თუკი რამე შეიცვლება, აუცილებლად შეგატყობინებთ”, - განუცხადა 26 წლის ფორვარდმა Liga Total-ს.
შეგახსენებთ, რომ უკანასკნელი თვის განმავლობაში, მსოფლიოს არაერთმა პრესტიჟულმა გამოცემამ დაუკავშირა პოდოლსკის სახელი არსენ ვენგერის გუნდს. მეტიც, საუბარი იყო იმ სავარაუდო თანხის ოდენობაზეც, რომელსაც "კიოლნი” ტრანსფერის შემთხვევაში მიიღებდა.