აპოელი-"რეალი”, "მარსელი”-"ბაიერნი”, "ბენფიკა”-"ჩელსი”, "მილანი”-"ბარსელონა” – ასე დაწყვილდნენ ჩემპიონთა ლიგის მეოთხედფინალში გუნდები. პირველი მატჩები 27 და 28 მარტს, საპასუხოები კი 3-4 აპრილს გაიმართება. კენჭისყრა შვეიცარიულ ნიონში გაიმართა და ბურთულები ლეგენდარულმა გერმანელმა ფეხბურთელმა პაულ ბრაიტნერმა ამოიღო.
"მილან”-"ბარსელონას” წყვილი ყველაზე შთამბეჭდავია. ეს გუნდები ჯგუფშიც ერთად იყვნენ და მაშინ კატალონიელებმა შინ 2:2 ითამაშეს, სტუმრად კი 3:2 იმარჯვეს.
ასევე გაიმართა ნახევარფინალის კენჭისყრაც, ანუ ცნობილია, მეოთხედფინალის წყვილებიდან გასულების ბადეც.
ნახევარფინალები:
"მარსელი”-ბაიერნში” გამარჯვებული / აპოელ-”რეალში” გამარჯვებული.
"ბენფიკა”-ჩელსიში” გამარჯვებული/ "მილან”-"ბარსელონაში” გამარჯვებული.

ნახევარფინალური მატჩები 17-18 და 24-25 აპრილს ჩატარდება

გუშინ ჩელსი ნაპოლის შეხვედრა გაიმართა, სადაც ჩელსი 4-1 მოიგო და 1/4 ფინალში გავიდა. ეს ჩვენი სიახლის თემა არ გახლავთ. ალბათ მიხვდებოდით რაზეა ლაპარაკი სათაურიდან გამომდინარე. პირდაპირ გადავალ იმ ვიდეოზე სადაც დროგბას ასე ვთქვათ აფერისტობა ჩანს.

გთავაზობთ ვიდეოს, სადაც დროგბა "სიმულიანტობს".

არგად ჩანს, რომ დროგბას ხელი არ მოხვედრია, მაგრამ საქმე იმაშია, რომ ამ ინფორმაციას, თუ მოსაზრებას როგორც გინდათ მისი შემდეგი მოქმედება ასახავს.

გთავაზობთ ვიდეოს, სადაც ბუსკეცსი "სიმულიანტობს".

 

კარგად ჩანს, რომ ბუსკეცი იჭყიტება და აკონტროლებს რა ხდება მოედანზე, კერძოდ რას აკეთებს მთავარი ... კითხვის გაგრძელება »

ლიონელ მესიმ განაცხადა, რომ ინგლისის პრემიერლიგის საუკეთესო მოთამაშეებად "მანჩეტსერ სიტიდან" სერხიო აგუეროს, "მანჩესტერ იუნაიტედიდან" უეინ რუნის და ლონდონის "არსენალიდან" რობინ ვან პერსის მიიჩნევს.

"ინგლისის პრემიერლიგაში რამდენიმე შესანიშნავი მოთამაშეა, მათ შორის კუნ აგუერო, რომელიც ჩემი მეგობარია. მისი თამაში მომწონს.

რუნი და ვან პერსიც ძალიან კარგად თამაშობენ - ისინი ბრწყინვალე ფეხბურთელები არიან", - განაცხადა მესიმ.

არიმ ბენზემამ განაცხადა, რომ არ სურს მარსელის ოლიმპიკთან დაპირისპირება...

"ძალიან ბედნიერი ვარ, რომ გუნდი ჩემპიონთა ლიგის 1/4 ფინალში გავიდა, ჩვენ წინსვლას ვაპირებთ, შარშან ფინალურ ეტაპამდე სულ ცოტა დაგვაკლდა, იმედს გამოვთქვამ წელს დასკვნითი მატჩის მონაწილე ორი გუნდიდან ერთი სწორედ მადრიდის "რეალი" იქნება."

"არ მსურს მარსელთან დაპირისპირება, რადგან ფრანგულ კლუბს მხარს ვუჭერ. მე "ლიონში" ვთამაშობდი ოლიმპიკელები კი ჩვენი კონკურენტები იყვნენ, მაგრამ ახლა საქმე სხვაგვარადაა, თუკი მარსელი ჩვენ შეგვხვდება, მაშინ მათ მინიმალური შანსი ექნებათ, ხოლო "ბლანკოსთან" შედარებით ოდნავ დაბალი დონის გუნდთან მათ 1/2 ფინალში გასვლის შანსი ექნებათ, რაც ფრანგული ფეხბურთისთვის იქნება უდიდესი წარმატება. ჩემი თანამემამულეების ჩემპიონატს ხშირად ვადევნებ თვალს და ძალიან მსურს, რომ დადგეს დღე, როდესაც "ლიგა 1" ლა ლიგის, სერია "ა"-ს და პრემიერ ლიგის დონის იქნება."

ლონდონის "ჩელსის” თავდამსხმელს დიდიე დროგბას ჩემპიონთა ლიგის 1/4-ფინალში საფრანგეთის "მარსელთან” შეხვედრა არ სურს.
"ჩემპიონთა ლიგაში "მარსელის” წინააღმდეგ თამაში ჩემთვის ძნელი იქნება. ამ გუნდს შარშან უკვე შევხდით და ვერ ვიტყვი, რომ იმ მატჩებისგან დადებითი ემოცია მივიღე. საერთოდ კი, ეს კლუბი მომწონს და მარსელსაც ვაღმერთებ. რა თქმა უნდა, 1/4-ფინალში "ბარსელონასა” და "რეალთან” შეხვედრასაც თავს თუ ავარიდებთ კარგი იქნება” – იუწყება დროგბას სიტყვებს ბრიტანული გამოცემა Sky Sports-ი.
შეგახსენებთ, რომ 2004 წელს დროგბა "ჩელსიში” სწორედ "მარსელიდან” გადავიდა.

ჩემპიონთა ლიგის საპასუხო 1/8 ფინალური შეხვედრაში "ნაპოლისთან" მოპოვებული გამარჯვების შემდეგ, ლონდონის "ჩელსის" ნახევარმცველმა, ფრენკ ლემპარდმა განაცხადა, რომ მას არ აშინებს 1/4 ფინალში არც "ბარსელონასთან" და არც "რეალთან" შესაძლო შეხვედრა.



"ახლა ვტკბებით "ნაპოლისთან" მოპოვებული გამარჯვებით, შემდეგ კი დაველოდებით პარასკევს, რათა გავიგოთ ჩვენი მომავალი მეტოქის ვინაობა. "ბარსელონა" და "რეალი" დიდი გუნდები არიან, მაგრამ ჩვენ ვაჩვენეთ, რომ კარგი ფეხბურთის თამაში შეგვიძლია. თუ ასეთივე მონდომებით ბრძოლას გავაგრძელებთ, ჩვენ არავისი შეგვეშინდება. ინდეფერენტულად ვეკიდები ესპანურ კლუბებთან შესაძლო დაპირისპირებას."- განაცხადა ლემპარდმა.



შეგახსენებთ, რომ გუშინ "ჩელსიმ" საკუთარ მოედანზე იტალიურ "ნაპოლის" უმასპინძლა და მეტოქე დაამარცხა, ანგარიშთ 4:1. შედეგად ლონდონელებმა ჩემპიონთა ლიგის 1/4 ფინალის საგზური მოიპოვეს.

გუშინ უკვე ცნობილი გახდა ყველა იმ 8 გუნდის ვინაობა, რომელიც 1/4 ფინალში იასპარეზებს. ეს საგზური შემდეგმა კლუბებმა მოიპოვეს: "აპოელი", "ბენფიკა", "ბარსელონა", "მარსელი", "ბაიერნი", "ჩელსი", "მილანი" და "რეალი". ამის გათვალისწინებით, წინ საკმაოდ კარგი ეტაპი გველის. მოგეხსენებათ, კენჭისყრა ხვალ, თბილისის დროით 14:45 საათზე გაიმართება და ცნობილი გახდება დაწყვილებულთა ვინაობა.

ეს წლის ბოლო კენჭისყრა იქნება, რომელიც უეფას შტაბ–ბინაში ჩატარდება. პირველი 1/4 ფინალის შეხვედრები 27 და 28 მარტს, ხოლო მეორე შეხვედრები და 3 და 4 აპრილს გაიმართება. ნახევარფინალური ეტაპის პირველი ნაწილი 17 და 18 აპრილს, ხოლო საპასუხო მატჩები ამავე თვის 24 და 25 რიცხვში გაიმართება. შეგახსენებთ, რომ ფინალი 19 მაისისთვის გადმოიტანეს.