მილანის თავდამსხმელი ალეშანდრო პატო შეძლებს ითამაშოს ჩემპიონთა ლიგის მეოთხედფინალის განმეორებითი მატჩი ბარსელონას წინააღმდეგ.ბრაზლილიელი უკვე დაბრუნდა მილანში ამერიკის შეერთებული შტატებიდან,სადაც მკურნალობის კურსს გადიოდა.

შეგახსენებთ,რომ მილანური და კატალონიური გრანდის პირველი შეხვედრა,სან სიროზე ფრედ 0-0 დასრულდა.

მეოთხედფინალური მატჩი "ბარსელონა-მილანი”,სამშაბათს გაიმართება.

"ვერ წარმომიდგენია, რა უნდა მოხდეს, რომ ჩემპიონები ვერ გავხდეთ. მართალია "ბარსელონას” ჩამორჩენის სათავისოდ შესატრიალებლად საკმარისი დრო ჯერ კიდევ აქვს, მაგრამ დარწმუნებული ვარ, ამ შანსს ხელიდან აღარ გავუშვებთ. ეს "რეალის” სეზონია” – უთხრა კრიშტიანუ რონალდუმ ესპანელ მიმომხილველებს "სამეფო კლუბის” გუშინდელი გამარჯვების შემდეგ.
"რეალმა” სტუმრად "ოსასუნას” 5:1 მოუგო და "ბარსელონასთან” 6-ქულიანი უპირატესობა შეინარჩუნა. ჩემპიონატის ბოლომდე კი 8 ტური რჩება.

ინგლისური "მანჩესტერ სიტის” ხელმძღვანელობას თავდამსხმელი მარიო ბალოტელი ტრანსფერზე არ დაუყენებია, მაგრამ მზადაა, კლუბების შემოთავაზებები განიხილოს. The Telegraph-ის ცნობით, 21 წლის იტალიელის აგენტი უკვე აწარმოებს აქტიურ მოლაპარაკებებს და ფეხბურთელისთვის ახალი გუნდის ძიებაშია.
უკანასკნელ ხანებში რომ ბალოტელიმ არაერთხელ გააღიზიანა "სიტის” ხელმძღვანელები, ახალი არაა. ბოლოს, გუნდის თავკაცმა – რობერტო მანჩინიმ ფორვარდი ვარჯიშიდანაც კი დაითხოვა.
მიუხედავად იმისა, რომ ბალოტელიმ "სანდერლენდთან” ინგლისის პრემიერლიგის უკანასკნელი ტურის მატჩში (3:3) დუბლი შეასრულა, იტალიელი სპეციალისტი მისი თამაშით მაინც უკმაყოფილო იყო:
"ბალოტელიმ ცუდად ითამაშა. ასეთ მატჩებში, სწორედ ფორვარდებმა უნდა მოუტანონ გუნდს 3 ქულა. სამადლობელი არაფერია იმაში, რომ საფინალო სასტვენამდე რამდენიმე წუთით ადრე, მან მარცხისგან გვიხსნა”.

იტალიური საფეხბურთო გამოცემების მტკიცებით, მილანის "ინტერის” მომავალი მთავარი მწვრთნელი ამჟამად "ბილბაოს” დამრიგებელი მარსელო ბიელსა იქნება. football-italia.net – ის ინფორმაციით, კლუბსა და მწვრთნელს შორის შეთანხმება უკვე მიღწეულია.
გავრცელებული ინფორმაციის თანახმად, ამ შეთანხმების საფუძველზე "ინტერს” ბიელსასთან ერთად "ბილბაოს” რამდენიმე ფეხბურთელიც გადავა. მათ შორის არიან ოსკარ დემარკოსი და მიგელ სუსაეტა.
შეგახსენებთ, რომ "ინტერის” პრეზიდენტს მასიმო მორატის ჯერ კიდევ შარშან სურდა საკუთარ კლუბში ბიელსას ხილვა, თუმცა როგორც სჩანს ეს არ მოხდა.

ტიერი ანრიმ ჰეთ-თრიქი შეასრულა "ნიუ იორკ რედ ბულზისა" და "მონრეალ იმპაქტის" (ამერიკის ლიგაში მოთამაშე კანადური კლუბი) მატჩში, რომელიც 5:2 დასრულდა.
ფრანგმა ვარსკვლავმა 28-ე, 57-ე და 88-ე წუთებზე გაიტანა, პლუს, ერთი საგოლე პასიც მიითვალა. ეს ამერიკული MLS-ის მე-4 ტურში მოხდა.
ანრის უკვე 5 გოლი აქვს გატანილი და ბომბარდირთა სიას ლიდერობს.
როგორც იცით, ნიუ იორკის გუნდში 20 წლის ქართველი ნახევარმცველი გიორგი ჩირგაძე ირიცხება, თუმცა, მონრეალელებთან 18-კაციან განაცხადში ვერ მოხვდა.
"რედ ბულზს" 4 მატჩში 2 მოგება და 2 წაგება აქვს.

მილანის "ინტერი” ბილბაოს "ატლეტიკის” თავკაც მარსელო ბიელსას კონტრაქტზე შეუთანხმდა. Gazzetta dello Sport-ის ცნობით, არგენტინელი სპეციალისტი "ნერაძურის” ახალი სეზონიდან ჩაუდგება სათავეში.
ხელშეკრულებაში იქნება პუნქტი, რომლის ძალითაც, მილანელებმა ბასკი ფეხბურთელები – ანდერ იტურასპე და ოსკარ დე მარკოსი უნდა გადაიბირონ. გარდა ამისა, შესაძლოა, "ინტერის” რიგებში იკერ მუნიაინი და მარკელ სუსაეტაც გამოჩნდნენ.
აღსანიშნავია, რომ ბიელსას სახელს "ინტერს” ზაფხულშიც უკავშირებდნენ, თუმცა, მაშინ მოლაპარაკება არ შედგა.

"ბარსელონას" მწვრთნელმა პეპ გუარდიოლამ ისაუბრა "ბილბაოს" ხელმძღვანელ მარჩელო ბიელსაზე.


"მე ვეცდები, რომ ვისწავლო მარჩელო ბიელსასაგან. ბილბაო ევროპა ლიგაზე სენსაციურად ასპარეზობს და ეს მხოლოდ და მხოლოდ ბიელსას დამსახურებაა."


"ატლეტიკის თამაშებში მე ვხედავ დიდ ენთუზიაზმსა და მონდომებას, მსურს, რომ იგივე ჩემი კლუბის თამაშშიც იგრძნობოდეს."


"მე მიხარია, რომ ჩვენ კოპა დელ რეის ფინალში ერთმანეთს დავუპირისპირდებით, რადგანაც მისგან ბევრი რამის სწავლას მოვახერხებ." - განაცხადა ხოსეპ გუარდიოლამ.

შეგახსენებთ, რომ ეს 2 გუნდი ერთმანეთს დღეს დაუპირისპირდებიან.

 

დაახლოებით სამი თვის წინ ვწერდით, რომ მადრიდის ”რეალის” პორტუგალიელი ვარსკვლავის - კრიშტიანუ რონალდუს სატრფოს - ირინა შეიკის პოპულარობა ბევრი ცნობილი ფეხბურთელის მეუღლეს ესობა გულზე ეკლად და ამის მაგალითად, სერხიო რამოსის ცოლის ღვარძლიანი მონოლოგიც მოვიყვანეთ.
ახლა კი, კრიშტიანუს მეორე თანაგუნდელის, ბრაზილიელი რიკარდო კაკას მეუღლის - კაროლინ სელიკოს დრო დადგა, რომელმაც რონალდუს სატრფოს უინტერესო ადამიანი უწოდა. კაროლინი ამბობს, რომ მან და სხვა ფეხბურთელების ცოლებმა არაერთხელ სცადეს ირინასთან დამეგობრება, თუმცა შეიკი იმდენად უინტერესო ადამიანია, რომ მასთან მეგობრობა უბრალოდ შეუძლებელია.
ირინა შეიკი რომ დღეს ფეხბურთელების გოგონებს შორის ყველაზე პოპულარულია, ეს არავისთვის არის უცხო და ახალი ამბავი. თუმცა, სხვა ფეხბურთელების მეუღლეებს მხოლოდ ბოღმა და შური რომ არ ალაპარაკებთ, ესეც ცხადია. მითუმეტეს, ... კითხვის გაგრძელება »

ბარსელონას ოფიციალური ვებ-გვერდი იტყობინება, რომ კატალონიური მხარე უეფაში საჩივარს შეიტანს.



ამის მიზეზი კი "სან სიროა". როგორც მოგეხსენებათ, გუშინ ჩემპიონთა ლიგის 1/4 ფინალურ მატჩში მილანმა ბარსელონას უმასპინძლა და შეხვედრა ფრედ 0:0 დასრულდა.



გუშინ "ჯუზეპე მეაცას სახელობის სტადიონი" საშინელ მდგომარეობაში იყო. ფეხბურთელები მუდმივად სრიალდებოდნენ უნებლიედ. სწორედ ამის გამო აპირებს ბარსელონა საჩივრის შეტანას უეფაში.



აქვე იმასაც გეტყვით, რომ მატჩის შემდეგ თითოეულმა ბარსელონას წევრმა აღნიშნა მილანის სტადიონის ცუდი მდგომარეობა.