ესპანელი სპეციალისტი ხოსეპ გვარდიოლა კვლავ რჩება ლონდონის "ჩელსის" თავკაცის პოსტზე მთავარ პრეტენდენტად.

The Times-ის ინფორმაციით, ლონდონური კლუბის მფლობელი რომან აბრამოვიჩი "ბარსელონას" მთავარ მწვრთნელს უკვე შეხვდა და ინგლისში გადაბარგების შესახებ ესაუბრა.

გამოცემის ცნობით, "ჩელსი" მზადაა გვარდიოლას წელიწადში 12 მილიონი ევრო გადაუხადოს.

გარდა ამისა, ლონდონელები "ბარსელონას" ყოფილი სპორტული დირექტორის, ჩიკი ბეგირისტაინის მიწვევასაც გეგმავენ, რომელსაც კლუბის საფეხბურთო საქმეების მოგვარება დაევალება.

ვისენტე დელ ბოსკემ ესპანურ Marca-სთან საუბარში იმედი გამოთქვა, რომ დავიდ ვილია ევრო-2012-ის დაწყებამდე მოასწრებს მწყობრში ჩადგომას და ჩემპიონატს არ გამოტოვებს. გეცოდინებათ, "ელ გუახემ" გასულ დეკემბერში, მსოფლიოს საკლუბო ჩემპიონატის ნახევარფინალში მძიმე ტრავმა მიიღო.
"ვილიასთან ყოველდღიურ კონტაქტში მყოფ ადამიანებს სჯერათ, რომ ფეხბურთელი ბოლომდე გამოჯანმრთელებას მოასწრებს. მას ბოლო მომენტამდე დაველოდები, რადგან საქმე ეხება ესპანეთის საუკეთესო ფორვარდს. არ დაგვავიწყდეს, რამდენი გოლი აქვს გატანილი "ფურია როხაში", - თქვა ესპანეთის ნაკრების მწვრთნელმა.
ვილიას შედეგიანობა მართლაც ფანტასტიკურია: 51 გოლი გაუტანია ნაკრებში და აქედან, 43 ბოლო - ოთხ წელიწადში.

ლონდონის "ჩელსის" ყოფილ თავკაცს ანდრე ვილაშ-ბოაშს "რომას" მთავარი მწვრთნელის პოსტზე მთავარ კანდიდატად განიხილავენ იმ შემთხვევისთვის, თუ ზაფხულში კლუბს ლუის ენრიკე დატოვებს.

"ჩელსიდან" გაშვებული სპეციალისტი "რომას" მწვრთნელობაზე უარს არ ამბობს. იტალიური კლუბი ვილაშ-ბოაშთან მოლაპარაკებებს ჯერ კიდევ მისი "პორტუში" მუშაობისას აწარმოებდა, თუმცა მაშინ ანდრეს ხელში ჩასაგდებად ბრძოლაში ყველას "ლურჯების" თავკაცმა რომან აბრამოვიჩმა აჯობა, რომელმაც პორტუგალიელებს მის სანაცვლოდ 13.3 მილიონი ევრო გადაუხადა.

"ლივერპულის" ყოფილმა მთავარმა მწვრთნელმა რაფაელ ბენიტესმა განაცხადა, რომ იმ შემთხვევაში, თუ ლონდონის "ჩელსის" ჩაუდგება სათავეში, გულშემატკივრები გაუგებენ.

"ვინმეს შეუძლია იდავოს იმაზე, რომ "ლივერპულის" გულშემატკივრებს ვუყვარვარ? არა. თუ ამ ამბავზე შევთანხმდებით, მაშინ რას ვუსურვებთ იმ ხალხს, რომლებიც გვიყვარს? ყველაფერს საუკეთესოს. არ შემიძლია ხუთი წელი შინ ვიჯდე და ველოდო. ყველას ესმის, რომ სამუშაო მჭირდება.

თუ "ლივერპულის" ფანები საუკეთესოს მისურვებენ, ენდომებათ, რომ ტოპ-გუნდს ვწვრთ ... კითხვის გაგრძელება »

ლონდონის "ჩელსიდან” ანდრე ვილაშ-ბოაშის წასვლის შემდეგ, "არისტოკრატთა” ნახევარმცველმა ხუან მატამ გუნდში არსებული სიტუაციის შესახებ კომენტარი გააკეთა.
"სამწუხაროა, ყველაფერი ასე რომ მოხდა. ეს ალბათ ჩვენი ბრალიცაა, მაგრამ გუნდს რაღაც აკლდა და ვერავინ ხვდებოდა რა. ვილაშ-ბოაში კარგი სპეციალისტია, იგი დიდ წარმატებებს მიაღწევს. რაც შეეხება გუნდის მდგომარეობას, თითოეულმა ფეხბურთელმა იცის, რომ სიტუაციის გამოსასწორებლად 2 თვე გვაქვს. ამ დროში ჩვენ უნდა გამოვასწოროთ თამაშის ხარისხი და რა თქმა უნდა, შედეგიც. ჩვენ ეს შეგვიძლია. მზად ვართ, ყველაფერი თავიდან დავიწყოთ”, - განაცხადა მატამ.
23 წლის ხუან მატა "ჩელსიში” 2011 წლის ზაფხულიდან გამოდის და ჩატარებულ 30 მატჩში 8 გოლიც გაუტანია.

ლონდონის "ჩელსის" რუსი მფლობელი რომან აბრამოვიჩი ჟენევაში გერმანიის ნაკრების მთავარ მწვრთნელ იოახიმ ლიოვს შეხვდა.

შეხვედრაზე 52 წლის სპეციალისტის "ჩელსიში" სამუშაოდ გადასვლის შესაძლებლობა განიხილეს.

შეგახსენებთ, რომ კვირას "ლურჯების" ხელმძღვანელობამ პორტუგალიელი მთავარი მწვრთნელი ანდრე ვილაშ-ბოაში თანამდებობიდან გაათავისუფლა.

გერმანიის ნაკრებში ლიოვი 2004 წლიდან მუშაობს. ცოტა ხნის წინ მას კონტრაქტი 2014 წლამდე გაუგრძელეს. თუმცა აბრამოვიჩი გერმანიის საფეხბურთო კავშირს აუცილებელ კომპენსაციას გადაუხდის.

ლონდონის "ჩელსის" მფლობელ რომან აბრამოვიჩს სურს, რომ სეზონის დამთავრების შემდეგ მის გუნდს თანამედროვე ფეხბურთში ერთ-ერთი ყველაზე წარმატებული სპეციალისტი, კატალონიური "ბარსელონას" მთავარი მწვრთნელი ხოსეპ გვარდიოლა ჩაუდგეს სათავეში.

ლონდონური კლუბიდან გამოსული ხმების თანახმად, პორტუგალიელი თავკაცის ანდრე ვილაშ-ბოაშის გათავისუფლების შემდეგ, რუსი მილიარდერის სიაში ნომერ პირველ კანდიდატად სწორედ "ბარსელონას" მთავარი მწვრთნელია.

"აბრამოვიჩს თავის გუნდში მსოფლიოში საუკეთესო მწვრთნელის ხილვა სურს და გვარდიოლა მის მოთხოვნებს აკმაყოფილებს. ალტერნატივად აბრამოვიჩს რამდენიმე ადგილობრივ სპეციალისტსაც სთავაზობდნენ, მაგრამ რომანი მოდური ტენდენციების მიმდევარია და მხოლოდ უცხოელი თავკაცი სურს", - განუცხადა "ჩელსის" ხელმძღვანელობასთან დაახლოებულმა პირმა ESPN-ს.

ამტკიცებენ, რომ "ჩელსი" მზადაა ესპანელ სპეციალისტს ფეხბურთის ისტორიაში ... კითხვის გაგრძელება »

ლონდონის "ჩელსის" მფლობელს რომან აბრამოვიჩს იმედი აქვს, რომ გუნდში ჟოზე მოურინიოს დაბრუნებას შეძლებს, რომელიც ამჟამად მადრიდის "რეალის" თავკაცია.

პორტუგალიელ სპეციალისტს "სამეფო კლუბის" ზოგიერთ ხელმძღვანელსა და ესპანურ პრესასთან ურთიერთობები გაუფუჭდა. ამას გარდა, მოურინიოს დღემდე აქვს კავშირი "ჩელსის" მაღალჩინოსნებთან და გუნდის ფეხბურთელებთანაც ავტორიტეტით სარგებლობს.

ადრე გავრცელდა ცნობა, თითქოს მოურინიომ ლონდონში სახლი დაათვალიერა, რომელშიც იმ შემთხვევაში იცხოვრებს, თუ ინგლისში გადაბარგდება.

მიუხედავად ამისა, ინგლისში მიიჩნევენ, რომ "არისტოკრატთა" მთავარი მწვრთნელის პოსტს რაფაელ ბენიტესი დაიკავებს.

რუსმა ბიზნესმენმა და მილიარდერმა რომან აბრამოვიჩმა ევრო 2012-ის ჯგუფური ეტაპის მეორე ტურის მატჩზე, რომელშიც ერთმანეთს რუსეთისა და პოლონეთის ნაკრებები დაუპირისპირდებიან, დასასწრები ბილეთი 1.2 მილიონ ევროდ იყიდა.

ლონდონის "ჩელსის" მფლობელი ქალაქ ვორცლას ნაციონალურ სტადიონზე შეხვედრას თვალს საპრეზიდენტო ლოჟიდან მიადევნებს.

თუმცა უეფა ამ ინფორმაციას არ ადასტურებს და ხაზს უსვამს, რომ ეს კომერციული საიდუმლოა.

"საპრეზიდენტო ლოჟა ნაციონალურ სტადიონზე გაყიდულია, მაგრამ ვინ იყიდა, ამას არ გეტყვით, რადგან ეს კომერციული საიდუმლოა. მითუმეტეს, იმის თქმაც არ შემიძლია, რომელ ქვეყანაში ცხოვრობს ეს ადამიანი", - განაცხადა უეფას მრჩეველმა პიარისა და მარკეტინგის პროგრამებში რობერტ კორჟენევსკიმ.

ლონდონის ჩელსი შეეცდება ჟოზე მოურინიოს დაბრუნებას, ან პეპ გვარდიოლას მოწვევას.

შეგახსენებთ, რომ გუშინ ანდრე-ვილაშ ბოაში გუნდიდან გაუშვეს. პორტუგალიელმა სპეციალისტმა ლონდონურ კლუბში 256 დღე დაჰყო.

ბრიტანული პრესის ცნობით, ბოაში გაწბილებულია აბრამოვიჩის გადაწყვეტილებით, ვინაიდან მას ბოლო წამამდე სჯეროდა ახალი გუნდის აშენების.

The Guardian-ის ინფორმაციით, ამ ზაფხულს ჩელსის ხელმძღვანელობა შეეცდება პეპ გვარდიოლას მოწვევას, რომელსაც სწორედ ზაფხულში ეწურება კონტრაქტი ბარსელონასთან.

რაც შეეხება მოურინიოს, ჟოზეს გეგმებში კვლავ შედის ნისლიან ალბიონზე დაბრუნება. პორტუგალიელი სპეციალისტის ჩელსიში დაბრუნება სულაც არ არის გამორიცხული, გასათვალისწინებელია ისიც, რომ ბოლო წლებში მან ურთიერთობები გააუმჯობესა აბრამოვიჩთან.

ნებისმიერ შემთხვევაში, ამ სეზონის დასრულებამდე გუნდს ვილაშ-ბოაშის ასისტენტი, რობერტო დი მატეო გაწვრთნის.