ევრო-2012-ის დაწყებამდე, პორტუგალიამ საკუთარი "წინასწარმეტყველი” რვაფეხა შეიძინა. პორტუს აკვარიუმში ცნობილი "გერმანელი” მოლუსკის – პაულის ბიძაშვილმა, პაულუმ დაიდო ბინა. პაული გერმანიაში, კერძოდ კი, ობერჰაუზენში ბინადრობდა, სადაც ზუსტ საფეხბურთო პროგნოზებს აკეთებდა. "წინასწარმეტყველი” რვაფეხა 2010 წლის ევროპის ჩემპიონატის შემდეგ მოკვდა, თუმცა პორტუს აკვარიუმის ხელმძღვანელების განცხადებით, პაულუს არანაკლები შესაძლებლობები აქვს და ისინი პირობას დებენ, რომ პორტუგალიის ნაკრების ყოველი მატჩის წინ - ორი კარითა და გუნდების დროშებით - საჩვენებელ წინასწარმეტყველებას მოაწყობენ. პორტუგალიელები დარწმუნებულები არიან, რომ გუნდი, რომელზეც პაულუ საცეცებით მიუთითებს, გამარჯვებული გახდება. პაულის შემცვლელს მიმდინარე წლის 8 ივნისს პროგნოზის გაკეთება პირველად მოუწევს.