''ჩელსის'' კოტ-დიუარელი თავდამსხმელი 26 წლის სალომონ კალუ შესაძლოა ზაფხულში იტალიურ ''მილანში'' გადაბარგდეს.

ფეხბურთელს კონტრაქტი ზაფხულში ეწურება და მხარეები ჯერაც არ მოლაპარაკებულან ახალ კონტრაქტზე. თავად კალუც უკმაყოფილოა საკუთარი ადგილით გუნდში, მას არცთუ ისე დიდი სათამაშო დრო აქვს ჩელსიში.

ინგლისის პრემიერ ლიგაში მან 7 მატჩი ჩაატარა და მხოლოდ ერთი ბურთი გაიტანა ყველა ტურნირებში ამ სეზონში კალუმ 15 მატჩი ჩაატარა და 5 გოლის გატანა მოახერხა. კოტ დიუარელი ჩელსიში 2006 წლიდან ირიცხება და ჩატარებულ 235 მატჩში 58 გოლი აქვს გატანილი. ექსპერტების აზრით დიდი შანსია, რომ კალუმ ზაფხულში კლუბი გამოიცვალოს.