კრიშტიანუ რონალდუ, ედინსონ კავანი, ანხელ დი მარია, ეზექუელ ლავეცი და ჩავი მარტინესი. ეს იმ ფეხბურთელთა ჩამონათვალია, რომლებიც მომდევნო ზაფხულს "მანჩესტერ სიტის" რადარზე იქნება.

დავიწყოთ ედინსონ კავანით. "სიტის" მფლობელების თქმით ის სატრანსფერო ფანჯრის გახსნის თანავე იქნება ნომერ პირველი სამიზნე, ისინი მზად არიან ურუგვაელის სანაცვლოდ 31 მილიონის გადახდას დასჯერდნენ და ხელფასის სახით კვირაში 600 ათასი ფუნტი გადაუხადონ. ცნოისთვის "ნაპოლი" 25 წლის თავდამსხმელს ამჟამად კვირაში 160 ათას ევროს უხდის.

რობერტო მანჩინი მზადაა კავანი სასურველი ფეხბურთელების სიაში პირველ ადგილას მოათავსოს. შეგახსენებთ, რომ იტალიელი კავანის ყიდვას გასული ზაფხულაც ცდილობდა, თუმცა ეს მცდელობა წარუმატებელი აღმოჩნდა.

ზემოთ ნახსენები ედინსონ კავანის თანაგუნდელი ეზექუელ ლავეცი ასევე გახლავთ "მანჩესტერ სიტის" ერთ-ერთი სამიზნე, თუმცა როგორც რამდენიმე თვის წინ ითქვა არგენტინელი 5 წლიანი კონტრაქტზე აპირებს "ნაპოლისთან" ხელის მოწერას.

როგორც ჩანს შეიხები ამაზე გაჩერებას არ აპირებენ და კრიშტიანუ რონალდუს პრემიერ ლიგაში დაბრუნებას ლამობენ, ოღონდ იგივე ქალაქის უკვე მეორე კლუბში. მათი განცხადებით ეს ყველა დროის ერთ-ერთი უდიდესი ტრანსფერი იქნება და "მანჩესტერ სიტის" "ელიტას" კიდევ ერთი შესანიშნავი ფეხბურთელი შეემატება.

მომდევნო დამაინტრიგებელი სამიზნე კი კიდევ ერთი მადრიდის "რეალის" ფეხბურთელი ანხელ დი მარია გახლავთ. ეს ვინგერი "სიტის" ყურადღების ცენტრში მას შემდეგ მოექცა, რაც "სამეფო კლუბმა" მისთვის კონტრაქტის გახანგრძლივება დააგვიანა.

იმის შემდეგ, რაც მანჩინიმ "რომადან" დანიელ რე როსი ვერ გადმოიყვანა ყურადღება "ბილბაოს" ნახევარმცველ ჩავი მარტინესზე გადავიდა. ინგლისელთა სკაუტი 23 წლის ფეხბურთელს მთელი სეზონია აკვირდება და ესპანელებს 32 მილიონ ფუნტს სთავაზობს. შეგახსენებთ, რომ მარტინეტის საბაზრო ღირებულება 25 მილიონი ფუნტია.

ეს კი ფეხბურთელებია, რომელთან განშორებასაც წელს რებერტო მანჩინი აპირებს: კარლოს ტევესი - 198 ათასი ფუნტი კვირაში, ედინ ჯეკო - 130 ათასი ფუნტი კვირაში, ნიგელ დე იონგი 85 ათასი ფუნტი კვირაში, ემანუელ ადებაიორი, უეინ ბრიჯი, და როკი სანტა კრუზი. იტალიელი სპეციალისტის თქმით ამ ფეხბურთელების გაშვებით გუნდი კვირაში 800 ათას ფუნტ სტერლინგის ეკონომიას გააკეთებს.